भाजपालाई पाकिस्तानी प्रधानमन्त्रीले लगाए ‘वार हिस्टेरिया’को आरोप !
इस्लामाबाद : पाकिस्तानी प्रधानमन्त्री इमरान खानले भारतको सत्तारुढ पार्टी भारतीय जनता पार्टी (भाजपा) लाई ‘वार हिस्टेरिया’बाट ग्रसित रहेको आरोप लगाएका छन् ।
तर सत्य नै उत्तम विकल्प रहेको पनि उनको भनाइ छ । जुन भारतको सत्तारुढ दलले नचाहेको खानको टिप्पणी छ । उनले अमित शाह नेतृत्वको भाजपा युद्ध देखाएरै चुनाव जित्न चाहेको पनि बताए ।
साथै पाकिस्तानको ‘एफ १६’ नष्ट गरेको भाजपाको प्रचारवाजीविरुद्ध पनि पाकिस्तानी प्रधानमन्त्री खानले आपत्ति जनाएका छन् । उनले यस्तै गलत प्रचारवाजीबाट भाजपाले चुनाव जित्न चाहेको टिप्पणी दिए ।
गत महिना भारत र पाकिस्तानबीच चलेको युद्धपछि यस्तै आरोप–प्रत्यारोप चल्दैआएको छ । भारतले पाकिस्तानी विमान खसालेको दावी गरेपछि पाकिस्तानी प्रधानमन्त्रीले मिडियासामु प्रतिक्रिया दिएका हुन् ।