बेसीसहर : नेपाली कांग्रेसका महामन्त्री डा. सशांक कोइरालाले संघीयता कार्यान्वयनमा सरकार असफल भएको आरोप लगाएका छन् ।
लमजुङ सदरमुकाम बेसीसहरमा मंगलबार आयोजित पत्रकार भेटघाटमा बोल्दै नेता कोइरालाले संघीयता कार्यान्वयन असफल दिशातर्फ अघि बढेको बताए ।
सरकारले विकास निर्माणदेखि सबै निकायमा केन्द्रिकृत हस्तक्षेप गरेको उनको आरोप थियो । संविधानले स्थानीय र प्रदेश सरकारलाई दिएको अधिकार प्रधानमन्त्री आफैँमा केन्द्रिकृत गरेर संघीयतालाई असफल बनाउनेतर्फ अघि बढेको उनको टिप्पणी थियो ।
सविधानले दिएको अधिकार प्रदेश र स्थानीय सरकारमा प्रत्याजन गर्न सरकारले आनाकानी गर्न नहुने पनि उनले बताए । सरकारले विकास निर्माणको काम नगरी सपना मात्रै बाँडेको भन्दै नेता कोइरालाले सरकारको आलोचना गरे ।
‘सबैतिर हस्तक्षेप छ । सुरक्षा परिषद् समेत प्रधानमन्त्रीले चलाउने भनिएको छ । एक्लै सरकार चलाउने रणनीतिमा ओली लागेका छन् ।’ नेता कोइरालाले भने ।
प्रतिक्रिया दिनुहोस !
