तौलिहवा : आठौं राष्ट्रिय खेलकुद अन्तर्गत कपिलवस्तुमा सम्पन्न महिला तर्फको कुस्तीमा प्रदेश-७ले वर्चश्व कायम गरेको छ। ५० देखि ७६ किलोसम्मका १० खेलमा प्रदेश-७ले वर्चश्व कायम गरेको हो।
प्रदेश-७ ले ५० किलो, ५३ किलो, ५५ किलो, ६५ किलो, ६८ किलो, ७२ किलोतर्फ जित हात परेको छ। त्यस्तै बिना विभागीय टिममा नेपाली सेनाले ५७ किलो, ५९ किलो, ६२ किलोतर्फ स्वर्ण पदक हात पारेको हो। ७६ किलोतर्फ प्रदेश-१ले एक स्वर्ण हात पारेको छ। अन्य ५वटा प्रदेश र नेपाल प्रहरी भने स्वर्ण विहिन रहे। ५० किलोतर्फ प्रदेश-७ की मनिता सिंहले स्वर्ण पदक जितिन्। उनले नेपाली सेनाकी लक्ष्मी तामाङलाई हराएकी हुन्। तामाङले रजत पदकमै चित्त बुझाइन्।
५३ किलोतर्फ पनि प्रदेश-७ की सिवाङ्गी दुवेले स्वर्ण पदक जितिन्। दुवेले नेपाली सेनाकी कोपिला थापा मगरलाई हराएकी थिइन्। थापाले रजत पदक जितिन्। त्यस्तै ५५ किलोतर्फ प्रदेश-७ नै हावी भयो। संगीता धामीले प्रदेश-५ की सपना श्रेष्ठलाई हराइन्। श्रेष्ठ रजत पदकमै सिमित भइन्।
५७ किलोतर्फ भने नेपाली सेनाकी कविता पुनले स्वर्ण पदक जितिन्। उनले प्रदेश-७ की अम्बिका भण्डारीलाई हराउन सफल भइन्। भण्डारीले रजत पदक जितिन्। ५९ किलो तर्फ नेपाली सेनाकी कविता पुनले स्वर्ण पदक जितिन्। उनले प्रदेश-७ की कोमल खत्रीलाई हराएकी हुन्।
६२ किलोतर्फ नेपाली सेनाकी शुसीला चन्द विजयी भइन्। उनले प्रदेश-७ की सपना चन्दलाई हराएकी हुन्। चन्दले स्वर्ण पदक जितिन्। ६५ किलोतर्फ प्रदेश-७ की नीरा आउजी विजयी भइन्। उनले सुमित्रा मगरलाई हराएकी हुन्। मगर नेपाली सेनाकी खेलाडी हुन्।
६८ किलोतर्फ प्रदेश-७ की विमला सुनारले विजयी भइन्। उनले नेपाल प्रहरीकी निर्मला जागरीलाई हराएकी हुन्। ७२ किलोतर्फ प्रदेश-७ की लक्ष्मी खत्री विजयी भइन्। खत्रीले नेपाल प्रहरीकी रेखा रावललाई हराएकी हुन्। ६७ किलोतर्फ श्रीजासु गिरी विजयी भइन्। प्रदेश-७ र नेपाली सेना हावी भएको बेला अन्तिम समयमा भएकी यो खेलमा गिरीले स्वर्ण पदक जितेकी हुन्। उनले प्रदेश-५ की लक्ष्मी विसीलाई हराएकी हुन्।
प्रतिक्रिया दिनुहोस !
