पहिलो स्वर्ण पदक पुलिसलाई
![पहिलो स्वर्ण पदक पुलिसलाई](https://annapurnapost.prixacdn.net/media/albums/natioal-sports_20190410143543_jc3vdLgevZ.jpg)
दाङ : आठौं राष्ट्रिय खेलकुद प्रतियोगिता अन्तरगत पहिलो स्वर्ण पदक नेपाल पुलिस क्लबले जितेको छ ।
दाङको घोराहीमा बुधबारदेखि सञ्चालित टेबल टेनिस प्रतियोगितामा प्रतियोगिताकै पहिलो स्वर्ण पदक टेबल टेनिसको महिला टीम इभेन्टमा पुलिसले जितेको हो । पुलिसले फाइनलमा एपीएफ क्लबलाई ३–१ को सेटमा हराउँदै स्वर्ण जितेको हो ।
पुलिसकी एलिना महर्जनले सेलिषा खड्गीलाई ३–२ तथा नविता श्रेष्ठले अनिता महर्जनलाई ३–० ले पराजित गरिन् भने मञ्जु सुवाल एपीएफकी सिक्क सुवालसँग ३–१ ले हारेकी थिइन् ।
तर नविताले सेलिषालाई ३–१ को सेटमा हराएपछि पुलिसले आठौं राष्ट्रिय खेलकुदको पहिलो स्वर्ण पदक जितेको आयोजकले जनाएको छ ।
यस्तै महिला डबल इभेन्टमा पनि पुलिसले स्वर्ण जितेको छ । नेपाल आर्मी क्लबलाई हराउँदै नेपाल पुलिस क्लबले स्वर्ण जितेको हो । पुलिस क्लबका नविना श्रेष्ठ, एलिना महर्जन, रविना महर्जन स्वइच्छा नेम्वाङले डबल महिला इभेन्टमा स्वर्ण पदक जितेका टेवल टेनिस संघ दाङका उपाध्यक्ष अरुण लहरेले जानकारी दिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)