काठमाडौं : इन्डियन प्रिमियर लिग(आईपीएल)को आजको खेलमा दिल्लीको प्लेइङ ११ मा सन्दीप लामिछाने परेनन्। चार विदेशी खेलाडी मध्ये दिल्लीले दक्षिण अफ्रिकाका तीन र वेस्ट इन्डिजका एक जनालाई टोलीमा समावेश गरेको छ। जसमा दक्षिण अफ्रिकाका ब्याट्सम्यान कोलिन इन्ग्राम, फास्ट बलर कागिसो रबाडा र अलराउन्डर क्रिस मोरिस रहेका छन्। वेस्ट इन्डिजका किमो पल टोलीमा परेका छन् ।
सुरुको दुई खेलमा अवसर नपाएका सन्दीपले दिल्लीका पछिल्ला ४ खेलमा टोलीमा अटाएका थिए। ४ खेल खेल्दा उनले ५ विकेट लिएका छन्। टस जितेर इडेन गार्डेड कोलकात्तामा हुँदै गरेको खेलमा दिल्लीले टस जितेर पहिले बलिङ रोजेको छ।
दिल्लीले आजको खेलमा दुई स्पीनर अक्सर पटेल र राहुल टेवाटियालाई टोलीमा समावेश गरेको छ ।
प्रतिक्रिया दिनुहोस !
