मलंगवा : सर्लाहीको बागमतीमा बागमती युवा क्लबले आयोजना गरेको तेस्रो राजर्षी जनक कप फुटबल प्रतियोगिता अन्तर्गत शुक्रबार भएको खेलमा फ्रेण्डस् क्लब काठमाडौं विजयी भएको छ । वीरगंज युनाईटेड पर्सालाई टाइब्रेकरमा ३–१ गोलले हराउँदै फ्रेण्डस् क्वाटरफाइनलमा प्रवेश गरेको हो ।
निर्धारित समयमा १–१ को बराबरी भएपछि खेल ट्राइब्रेकरमा पुगेको थियो । निै प्रतिस्पर्धात्मक खेलमा २५ औं मिनेटमा फ्रेण्डसका इब्राईम फुफानाले गोल गरी टोलीलाई अग्रता दिलाएका थिए । ६३ औं मिनेटमा वीरगंजका सविर चौधरीले डिबक्स बाहिरबाट प्रहार गरेको फ्रिकिकलाई गोलमा परिणत गरेपछि खेल बराबरी भयो ।
टाइब्रेकरमा वीरगंजका कप्तान लक्ष्मण चौधरी र रञ्जय चौधरीले गोलपोष्ट बाहिर प्रहार गरेका थिए । त्यस्तै अच्छालाल कुवरले प्रहार गरेको बल फ्रेण्डसका गोलकिपर असिम भुषालले रोकिदिए।
फ्रेण्डस् क्लबका लागि सनिष श्रेष्ठ र ११ नं. जर्सीका मनिष खड्काको बल बाहिरियो । जर्सी नं. १२ का अनिल महर्जनले निर्णायक गोल गर्दै फ्रेण्डसलाई क्वाटरफाईनल यात्रा तय गराए ।
खेलको म्यान अफ द म्याच वीरगंजका सविर चौधरीलाई प्रदान गरिएको थियो । शनिबार झापा ११ र रुपन्देही ११ बीच खेल हुने आयोजक समितिका दिपक लामाले जानकारी दिए ।
प्रतिक्रिया दिनुहोस !
