भक्तपुर : एचआईभी एड्स संक्रमितहरुले अब जीवन बीमा गर्न पाउने भएका छन् ।
राष्ट्रिय एचआईभी एड्स महासंघ नेपाल (एनएपीएन) ले प्राइम लाइफ ईन्स्युरेन्ससँग एचआईभी संक्रमितहरुको जीवन बीमा गर्ने सहमति गरेको हो । यसअघि प्राणघातक एचआईभी एड्स लागेकै कारण संक्रमितहरुले जीवन बीमा गर्न पाइरहेका थिएनन् । संक्रमितहरु भने आफूहरुलाई जीवन बीमामा भेदभाव भएको बताउँदैआएका थिए ।
एनएपीएनसँगको सहमतिपछि प्राइम लाइफले विनाभेदभाव संक्रमितले चाहेको रकम बराबरको जीवन बीमा गरिदिने भएको हो । सम्झौतापत्रमा एनएपीएनका अध्यक्ष राजेश दिदिया र प्राइम लाइफका सीईओ मनोजकुमार भट्टराईले हस्ताक्षर गरेका छन् ।
यस्तो सम्झौता नेपालको एचआईभी एड्स संक्रमितको क्षेत्रमा अहिलेसम्मकै महत्वपूर्ण उपलव्धि भएको एनएपीएनका अध्यक्ष दिदियाले प्रतिक्रिया दिए ।
प्रतिक्रिया दिनुहोस !
१
