विराटनगर : गृहमन्त्रालयले हतियार बुझाउन दिएको समयभित्र मोरङमा १७ थान हतियार बुझाइएको छ। बुधबारसम्ममा सानाठूला गरी १७ थान हतियार बुझाएको मोरङका सहायक प्रमुख जिल्ला अधिकारी चन्द्रकला ओलीले जानकारी दिइन्।
२०७५ साल चैत १ गतेदेखि ३५ दिने सूचना निकालेर गृहमन्त्रालयले हतियार बुझाउन निर्देशन दिएको थियो। बुझाएका हतियारमा भरुवा र २ नाले बन्दुक छन्।
हतियार नजिकको प्रहरी कार्यालय, जिल्ला प्रहरी कार्यालय, इलाका प्रहरी कार्यालय उर्लाबारी, बेलबारीलगायतका सुरक्षा निकायको कार्यालयमा बुझाएको हो।
मोरङ जिल्लामा ७ सय २३ जनाको नाममा हतियार दर्ता रहेकोमा म्याद भित्र दुई सय १७ वटा मात्र हातहतियारको नविकरण भएको जिल्ला प्रशासन कार्यालय मोरङका नायब सुब्बा तुलसीप्रसाद पौडेलले जानकारी दिए।
एकपटकलाई नेपाल सरकारले नविकरण नगरेका र अवैध रुपमा रहेका हातहतियार बुझाउनलाई निर्देशन गरेको हो। समयभित्र हातहतियार नबुझाए मुलुकी हातहतियार संहिता २०७२ बमोजिम कारबाही हुनेछ।
प्रतिक्रिया दिनुहोस !
