अन्नपूर्णमा हराएका मलेसियन नागरिकको उद्धार, उपचारका लागि मेडिसीटी लगिँदै
वैशाख १३, २०७६ शुक्रबार १०:४९:०
पोखरा : अन्नपूर्ण प्रथम हिमाल आरोहण गरी फर्किँदा मंगलबादेखि हराएका मलेसियन नागरिक वि किन चिनको शुक्रबार बिहान उद्धार भएको छ।सिम्रिक एयरको हेलिकोप्टरबाट उद्दार गरी उनलाई अहिले काठमाडौंको मेडिसिटी अस्पताल लगिँदैछ।
उनी हराएपछि बिमा कम्पनी 'ग्लोबल रेस्क्यु' खोजी कार्यमा बेवास्ता गरेको थियो। बिमा कम्पनीले बेवास्ता गरेपछि उनकी श्रीमती चिनले आफ्ना श्रीमानको खोजी गर्न नेपालको सिम्रिक एयर गुहारेकी थिइन्।
आठ हजार मिटरभन्दा अग्लो हिमाल अन्नपूर्ण प्रथम आरोहण गरेर फर्किंदा वि किन चिन हराएको खबर बुधबार साँझ मात्र थाहा पाएपछि बिहीबार उज्यालो हुनासाथ क्याप्टेन सिद्धार्थजंग गुरुङ सिम्रिक एयरको हेलिकोप्टर लिएर त्यतातिर उडेका थिए।
सिद्धार्थले हेलिकोप्टरबाट हात हल्लाइरहेको एकजना मान्छे देखेपछि ग्लोबल रेस्क्युले जीवित नहुन पनि सक्ने भन्दै बेवास्ता गरेका ती आरोही हिमालको मध्यभागतिरै भेटिएका थिए।
क्याप्टेन विवेक खड्काले उडाएको हेलिकोप्टरबाट लङलाइनमार्फत ती आरोहीलाई हिमालबाट सुरक्षितस्थल हुँदै हेलिमार्फत काठमाडौं लगिएको हो।अन्नपूर्ण हिमालको क्याम्प ४ बाट आरोही वि किन चिनलाई बिहीबार उद्धार टोलीले सुरक्षित स्थानसम्म ल्याइ पुर्याएको थियो।
हाई अल्टिच्युडमा उड्न सक्ने हेलिकोप्टर, साहसी पाइलट र दक्ष उद्धार टिम भएको सिम्रिकले बुधबारैदेखि उद्धार सुरू गरेको सिम्रक एयरको पोखरा कार्यालयका प्रमुख कमल गौतमले जानकारी दिए।
प्रतिक्रिया दिनुहोस !
