राजविराज : खेतबाट फर्किरहेका सप्तरीका एक युवकको सवारी दुर्घटनामा मृत्यु भएको छ।
गहुँ भित्र्याउनका लागि वयलगाडी लिन को १५ प ५५४५ नम्बरको मोटरसाइकलमा चढी घरतर्फ हिँडेका सप्तरी हनुमाननगर कंकालिनी नगरपालिका ३ पोर्ताहाका २२ वर्षीय शंकर पघैया यादवको दुर्घटनामा मृत्यु भएको हो।
शंकर सवार मोटरसाइकललाई पूर्वबाट पश्चिमतर्फ जाँदै गरेको को १ ज ३५६२ नम्बरको विंगर गाडीले हनुमाननगर कंकालिनी नगरपालिका ३ पोर्ताहामा ठक्कर दिएको थियो।
घाइतेको स्थानीय भारदह अस्पतालमा उपचारका क्रममा मृत्यु भएको हो। चाडी चालकलाई भारदह प्रहरीले नियन्त्रणमा लिएको छ।
प्रतिक्रिया दिनुहोस !
