मलंगवा : भारतसँग सीमा जोडिएको सर्लाहीको विष्णु गाउँपालिकामा सोमबार जङ्गली बँदेलको आक्रमणमा परी ७ जना घाइते भएका छन्। खेतमा काम गरिरहेका बेला बँदेलले आक्रमण गर्दा विष्णु गाउँपालिका ६ का ४० वर्षीय शङ्कर माझी, ५५ वर्षीय राम एकवाल राय, ६३ वर्षीय किसुन मण्डल, ३२ वर्षीय नवीन यादव, ३० वर्षीय दुलार राय यादव, ३५ वर्षीय रामदुलार राय र ५२ वर्षीय चुलाई राय घाइते भएको प्रहरी नायव उपरीक्षक प्रतित राठौरले जानकारी दिए।
बँदेलको आक्रमणमा परी राम एकवाल गम्भीर भएका छन्। तिघ्रामा गहिरो घाउ लागेको राम एकवालको सर्लाही जिल्ला अस्पतालमा उपचार भइरहेको छ।
अन्य ६ जनाको अवस्थामा सामान्य रहेको र स्थानीय स्वास्थ्य संस्थामा उपचार भइरहेको प्रहरीले जनाएको छ। केही अगाडी सर्लाहीको चक्रघट्टा गाउँपालिकामा पनि बँदेलको आक्रमणबाट एक दर्जन मानिस घाइते भएका थिए।
प्रतिक्रिया दिनुहोस !
