लोकतन्त्रका विषयमा कांग्रेसले साह्रै आलोकाँचो पन देखाउन मिल्दैन : प्रधानमन्त्री
वैशाख २४, २०७६ मंगलबार १३:३९:०
काठमाडौं : प्रधानमन्त्री केपी शर्मा ओलीले नेपाली कांग्रेसलाई लोकतन्त्रका विषयमा आलोकाँचो पन देखाउन नमिल्ने बताएका छन्। नीति तथा कार्यक्रममाथि उठेका प्रश्नको जवाफ दिँदै प्रधानमन्त्री ओलीले लोकतन्त्रका पक्षमा लामो समय लडेको कांग्रेसले आलोकाँचो पन देखाउन नमिल्ने बताएका हुन्।
'नेपाली कांग्रेस लोकतन्त्रमा लामो इतिहास भएको पार्टी। यसपार्टीले पनि लोकतन्त्रको अभ्यासका बारेमा साह्रै आलोकाँचो पन देखाउन मिल्दैन कि' प्रमले भने,'राष्ट्रपति भनेको केही पनि होइन भन्ने होइन, राज्य व्यवस्थाको सर्वोच्च र सम्मानित संस्था हो, त्यो संस्था साझा हुन्छ, त्यसंले जसको सरकार भएपनि राष्ट्रपतिको मेरो सरकार हुन्छ।'
प्रधानमन्त्रीले भुलकुचकले नभइ जानिबुझी आवश्यक ठानेर नै 'मेरो सरकार' राखिएको बताए। उनले भने,'भुलचुक भयाे कि भन्ने कुरा पनि उठेकाे छ त्यहो होइन जानिबुझी मेरो सरकार राखिएको हो।'
प्रतिक्रिया दिनुहोस !
