संविधान संशोधन जुनसुकै मौसममा गाइने गीत जस्तो भयो : प्रधानमन्त्री
वैशाख २४, २०७६ मंगलबार १४:१५:०
काठमाडौं : प्रधानमन्त्री केपी शर्मा ओलीले संविधान संशोधन मौसमी गीत नभएको बताएका छन् । निरन्तर संविधान संशोधनको माग गर्ने दल र सांसदप्रति कटाक्ष गर्दै प्रधानमन्त्री ओलीले यस्तो बताएका हुन् ।
मंगलबार नीति तथा कार्यकम्रमाथि उठेका प्रश्नको जवाफ दिँदै प्रधानमन्त्री ओलीले भने, ‘संविधान संशोधन मौसमी गीत होइन । संविधान समय अनुकुल संशोधन हुन्छ ।’
ओलीले कसैले संशोधनको गीत गाउँदैमा त्यो काम नबन्ने बताए । ‘संविधान संशोधन गर्न नसक्ने विषय होइन, संशोधन गर्न सकिन्छ’, प्रधानमन्त्री ओलीले भने, ‘तर, समयअनुसार संशोधन गर्नुपर्छ । जे मनलाग्यो त्यही गर्न पाइँदैन ।’
ओलीले आवश्यक परे प्रक्रिया पुर्याएर संविधान संशोधन हुने प्रष्ट पारे । ‘अहिले संविधान संशोधन जुनसुकै मौसममा पनि गाइने गीतजस्तो भएको छ’, उनले भने, ‘त्यो गलत हो।’
प्रतिक्रिया दिनुहोस !
