काठमाडौं : सुनिता अधिकारीको लोक दोहोरी गीत ‘लुरुरु हुरुरु’ युट्युवमार्फत् रिलिज भएको छ।
गायक प्रकाश सुपतको शब्द तथा लय रहेको गीतमा पश्चिम नेपालमा बोलिने ठेट शब्द समेटिएका छन्। गीतमा प्रकाश र सुनिता स्वयम्ले अभिनय गरेका छन्। ‘पानको मिसी’, ‘क्यारम माया’लाई जस्ता गीतबाट चर्चामा रहेकी गायिका अधिकारीले लुरुरु हुरुरु नयाँ गीत ल्याएकी हुन्।
भाका नेपाल र साइन मिडिया प्रालिको संयुक्त प्रस्तुति रहेको गीतको निर्देशन प्रकाश भट्टले गरेका हुन्। राजेश घिमिरेले छायांकन गरेको गीतको सम्पादन विष्णु शर्माले गरेका छन्। गीतमा संगीत संयोजन भने आशिष अविरलले गरेका हुन्।
प्रतिक्रिया दिनुहोस !
