काठमाडौं : इण्डियन प्रिमियर लिग (आईपीएल) को एलिमिनेटर खेलमा अहिले दिल्ली क्यापिटल र सनराइजर्स हैदरावादबीच खेल हुँदैछ । नेपाली क्रिकेट सन्दीप लामिछानेको टिम दिल्लीले आजको खेलमा पनि उनलाई समेटेन ।
दिल्लीले टस जितेर फिल्ड रोजेको छ । दिल्लीविरुद्ध हैदरावादले पहिलो ब्याटिङ गर्दैछ । नेपाली लेग स्पीनर सन्दीपलाई आजको खेलमा समावेश गर्ने अनुमान गरिएको भए पनि उनी टिममा नपरेका हुन् ।
दिल्लीले आफ्नो टिममा धेरै परिवर्तन गरेको छैन । आईपीएलको १२ औं संस्करणमा दिल्ली १४ खेलमा ९ जित हात पार्दै प्लेअफमा पुगेको हो । हैदरावाद भने ६ खेल जितेर प्लेअफमा पुग्ने भाग्यमानी टिम हो ।
आजको खेलमा विजयी भए दिल्लीले मंगलबार मुम्बई इण्डियनसँग पराजित चेन्नाइ सुपर किंग्ससँग क्वालीफायर खेल्ने छ । हिजोको जितसँगै मुम्बई फाइनल प्रवेश गरेको छ । क्वालिफायर जित्ने टिमले मुम्बईसँग फाइनल खेल्नेछ ।
मुम्बईले फाइनल प्रतिस्पर्धाका लागि अझै दुई खेलको नतिजा कुर्नु पर्नेछ ।
आईपीएलको ११ औं संस्करणमा डेब्यू गरेका सन्दीपले १२ औं संस्करणमा ६ खेल खेल्दा ८ विकेट लिएर राम्रो उपस्थिति देखाएका छन्। बलिङ इकोनोमीमा भने उनले सुधार गर्न सकेका छैनन्। ६ खेल खेल्दा उनको बलिङ इकोनोमी ९.१३ छ।
बैंग्लोरविरुद्धको खेल सन्दीपका लागि सबैभन्दा खराब बनेको थियो। त्यसपछि उनले खेल्न पाएका छैनन् । गत सिजन बैंग्लोर विरुद्धकै खेलबाट आईपीएलमा प्रवेश पाएका सन्दीपले तीन खेल खेलेका थिए।
प्रतिक्रिया दिनुहोस !
