तानसेन : पाल्पामा मोटरसाइकल र ट्याक्टर ठक्कर खाँदा एकजनाको मृत्यु भएको छ। दुर्घटनामा मोटरसाइकलका चालक रामपुर नगरपालिका ५ बाङ्गेपसलका १९ वर्षीया सन्जु रानाको रामपुर अस्पतालमा उपचारको क्रममा बिहीबार साँझ मृत्यु भएको हो।
इलाका प्रहरी कार्यालय रामपुरका प्रहरी निरीक्षक भुपाल सिं रानाका अनुसार मोटरसाइकलमा सवार १८ वर्षीया राहुल सुनारीलाई रामपुर अस्पतालमामा सामान्य उपचारपछि थप उपचारका लागि तानसेन ल्याइएको छ।
रामपुर नगरपालिका ६ को नयाँ बजारबाट विजयपुर बजारतर्फ आउँदै गरेको बा ४५ प ८३६८ नम्बरको मोटरसाइकल र किसानबारी बजारबाट विजयपुरतर्फ जाँदै गरेको लु ३ त ७९७२ नम्बरको ट्याक्टर बिहीबार साँझ ठोक्किएका थिए। ट्याक्टर र चालकलाई प्रहरीले नियन्त्रणमा लिएको छ।
प्रतिक्रिया दिनुहोस !
