मुम्बई : सेफ अलि खानकी छोरी सारा अलि खानको पछिल्लो समय बलिउडमा चर्चा छ। उनी अभिनीत चलचित्र ‘सिम्बा’ र ‘केदारनाथ’ले बक्स अफिसमा राम्रो आम्दानी गरेपछि उनको माग बढेको छ। उनी अहिले ‘लभ आज कल’ चलचित्रको सुटिङमा व्यस्त छिन्।
केही दिनअघि उनको एउटा भिडियो भाइरल भएको थियो। भिडियोमा उनी नायक कार्तिक आर्यनसँग बाइकमा बसेकी थिइन्। बाइकको पछि बस्दा उनले हेलमेट लगाएकी थिइनन्। दिल्लीको सडकमा बाइकको पछाडि बस्नेले पनि अनिवार्य हेलमेट लगाउनुपर्ने नियम छ।
यसैकारण उनीविरुद्ध प्रहरीमा जाहेरी परेको खबर बाहिरिएको छ। दिल्ली प्रहरीले यो विषयमा अनुसन्धान भइरहेको बताएको छ। साराले भने कुनै प्रतिक्रिया दिएकी छैनन्। एजेन्सी
प्रतिक्रिया दिनुहोस !
