जाजरकोट सदरमुकाम नजिकै जंगलमा आगलागी, दमकल नहुँदा बस्ती पस्ने डर
वैशाख २८, २०७६ शनिबार २०:४०:०
जाजरकोट : केही बेर अघि जाजरकोट सदरमुकाम खलंगामा आगलागी भएको छ। भेरी नगरपालिका ४ स्थित भगवति सामुदायिक वनमा लागेको आगो बस्तीतिर पस्न थालेको छ।
नेपाली सेनाको ज्वालादल गणलाई जंगलतिरबाट लागेको आगोले घेरेको छ। त्यस्तै आगो सदरमुकामका शान्तिचौतारा, रानागाउँ र बोहरातर्फ जाने खतरा बढेपछि नेपाली सेना, नेपाल प्रहरी, सशस्त्र प्रहरी र स्थानीय बासिन्दा आगो निभाउन जुटिरहेका छन्।
तर अझै आगो नियन्त्रणमा आउन सकेको छैन। जिल्लामा दमकल नभएकाले समस्या परेको जिल्ला प्रहरी प्रमुख श्यामबहादुर खत्रीले बताए। स्यालाले आगो निभाउने काम भैरहेको छ तर हावा चलिरहेकोले समस्या भएको उनको भनाई छ। आगोले जंगल सखाप पारेको छ।
आगोलागी भएको क्षेत्रका स्थानिय बासिन्दालाई रातभर सचेत रहन प्रशासनले सचेत गराएको छ।
प्रतिक्रिया दिनुहोस !
