रुकुमपश्चिम : रुकुम पश्चिमको मुसिकोट नगरपालिका, ६ भण्डारीडाँडामा कुखुरा बोक्ने गाडी दुर्घटना हुँदा एकजनाको मृत्यु भएको छ।
रुकुम पूर्वको रुकुमकोटबाट रुकुम पश्चिमको मुसीकोटतर्फ आउँदै गरेको लु १ च ७५१४ नम्बरको गाडी शनिबार दिउँसो ४ बजेतिर दुर्घटना हुँदा त्रिवेणी गाउँपालिकाका ४० वर्षीय लिलबहादुर बाँठाको मृत्यु भएको हो।
दुर्घटनामा चालक रुकुम पूर्वको सिस्ने गाउँपालिका २ प्वाङका तिलक खड्का घाइते भएका छन्। गाडी सडकबाट करिब डेढ सय मिटर तल खसेको जिल्ला प्रहरी कार्यालय रुकुम पश्चिमका प्रमुख प्रहरी नायव उपरीक्षक सुमित खड्काले जानकारी दिए।
घाइते खड्कालाई थप उपचारका लागि नेपालगञ्ज लगिएको छ भने मृतक बाँठाको शवलाई पोस्ट्मार्टमका लागि जिल्ला अस्पताल सल्लेमा राखिएको छ।
प्रतिक्रिया दिनुहोस !
