राजविराज : रोकिराखेको ट्याक्टरमा ठोक्किएर आइतबार सप्तरीमा एक युवकको मृत्यु भएको छ।
सुरुङगा नगरपालिका-१ हस्पिटल चोकस्थित कदमाहा-गाईघाट सडकखण्डमा भएको सवारी दुर्घटनामा घाइते उदयपुरको त्रियुगा नगरपलिका ३ का ३२ वर्षीया प्रविण चौधरीको मृत्यु भएको सप्तरी प्रहरीले जनाएको छ।
जिल्ला प्रहरी कार्यालय सप्तरीका अनुसार सडक किनारमा रोकिराखेको स १ त ५००२ नम्बरको ट्याक्टरमा चौधरी सवार स १० प ५८८७ नम्बरको स्कुटी ठोक्किएको हो। स्कुटी उदयपुरको गाईघाटबाट कदमाहातर्फ आइरहेको थियो।
दुर्घटनामा घाइते भएका चौधरीको उपचारका क्रममा सिरहाको लहानस्थित सप्तऋषी अस्पतालमा मृत्यु भएको हो। ट्याक्टर र ट्याक्टर चालकलाई इलाका प्रहरी कार्यालय कडरबोनाले नियन्त्रणमा लिएको छ।
प्रतिक्रिया दिनुहोस !
