काठमाडौं : २०७५ सालको सीतादेवी ढकाल स्मृति पत्रकारिता पुरस्कार बैकुण्ठ भण्डारी र प्रतापस्मृति पत्रकारिता पुरस्कार चन्द्रमणि भट्टराईलाई प्रदान गरिएको छ । नेपाल पत्रकार मञ्चले आइतबार राजधानीमा आयोजना गरेको पत्रकारिता पुरस्कार तथा अग्रज पत्रकार सम्मान कार्यक्रममा नेपालका लागि संयुक्त अरब इमिरेट्सका राजदूत साइद अल नाक्वील पुरस्कार प्रदानगरे । यी पुरस्कारहरु क्रमशः २० हजार र १५ हजार रुपैयाँ राशीका हुन् । कार्यक्रममा इजहार मिकरानी र पूर्ण महर्जनलाई अग्रज पत्रकार सम्मान प्रदान गरिएको थियो ।
प्रताप स्मृति पुरस्कार पत्रकार योगेन्द्रप्रताप शाहीले २०६७ मा आफ्ना स्वर्गीय पिताको स्मृतिमा स्थापना गरेका थिए भने पत्रकार यज्ञबहादुर ढकालले स्वर्गीय आमाको स्मृतिमा गएको बर्ष सीतादेवी स्मृति पत्रकारिता पुरस्कारस्थापना गरेका थिए ।
प्रतिक्रिया दिनुहोस !
