परासी : पश्चिम नवलपरासीको रामग्राम नगरपालिकाको छुट्टाछुट्टै स्थानमा सोमबार भएको सवारी दुर्घटनामा दुईजनाको मृत्यु भएको छ। जिल्ला प्रहरी कार्यालयका अनुसार भूमही-भैरहवा सडकखण्डमा पर्ने रामग्राम नगरपालिका-१२ शान्तिचौरमा दुईवटा मोटरसाइकल ठोक्किँदा एकको मृत्यु भएको छ।
परासीबाट भूमहीतर्फ जाँदै गरेको ना ३२ प ९०१३ नम्बरको मोटरसाइकल र सोही दिशातर्फ जाँदै गरेको ना २९ प ५६४७ नम्बरको मोटरसाइकल ठोक्किँदा दुर्घटना भएको हो। दुर्घटनामा ५६४७ नम्बरका मोटरसाइकल चालक पूर्वी नवलपरासी कावासोती नगरपालिका-३ का २८ वर्षीया डम्बर गुरुङ छन्।
त्यसैगरी रामग्राम नगरपालिका-१६ बकेनवामा ट्रकले ठक्कर दिँदा एक बालिकाको मृत्यु भएको छ। परासीतर्फ जाँदै गरेको लु १ ख ७७११ नम्बरको ट्रकले सडक पार गर्ने क्रममा ठक्कर दिँदा सरावल-५ दुबौलिया बस्ने कमलेश यादवकी ९ वर्षीया छोरी प्रितीको घटनास्थलमै मृत्यु भएको प्रहरीले जनाएको छ।घटनामा संलग्न दुवै सवारीसाधन र चालक प्रहरी नियन्त्रणमा छन्।
प्रतिक्रिया दिनुहोस !
