काँकडभिट्टाबाट काठमाडौं आउँदै गरेको बस त्रिशुलीमा खस्यो, ३ को मृत्यु
जेठ ५, २०७६ आइतबार ८:५:०
धादिङ : काकडभिट्टाबाट काठमाडौं आउँदै गरेको यात्रुबस आइतबार बिहान धादिङमा दुर्घटना भएको छ । दुर्घटनामा परी हालसम्म ३ जनाको मृत्यु भएका धादिङका ट्राफिक प्रहरी प्रमुख प्रहरी निरीक्षक हेमराज घिमिरेले जानकारी दिएका छन् । धादिङका प्रहरी उपरीक्षक राजकुमार बैदवारकाअनुसार मृत्यु हुनेमा एक महिला र दुई पुरुष रहेका छन् ।
ना ७ ख ४३८७ नम्बरको यात्रुबस गजुरी गाउँपालिका–६ बन्छेटारमा सडकबाट त्रिशुली नदीमा खसी दुर्घटनामा परेको हो । बसको आधा भाग पानीमा डुबेको छ । नेपाल प्रहरी, नेपाली सेना, शसस्त्र प्रहरी र स्थानीयबासी उद्धारमा जुटिरहेका छन्। दुर्घटनाका घाइतेलाई स्थानीय स्वास्थ्य संस्थामा उपचारका लागि पठाइएको छ ।
विस्तृत विवरण आउँन बाँकी छ ।
प्रतिक्रिया दिनुहोस !
