धादिङ : धादिङको गजुरी गाउँपालिका–६ बन्छेटारबाट त्रिशुली त्रिशुली नदीमा बस खस्दा हराइरहेकामध्ये एकजनाको शव फेला परेको छ ।
घटना भएको ठाउँबाटै मंगलबार दिउसो शव फेला पारिएको प्रहरीले जानकारी दिएको छ । त्रिशुली किनारमा हिलोमा दबिएको अवस्थामा झापा घर धएका कृष्णप्रसाद निरौलाको शव फेला परेको ट्राफिक प्रहरी कार्यालय गजुरीका प्रमुख हेमराज घिमिरेले जानकारी दिए ।
दुर्घटनामा अझै तीनजना हराइरहेका छन् । दुई बालक र एक पुरुष हराइरहेको घिमिरेले जानकारी दिए । हराइरहेकाहरुको कुरिनटारको गोताखोरको टोलीले खोजी कार्य गरिरहेको छ ।
आइतबार झापाको काकडभिट्टाबाट काठमाडौंका लागि छुटेको ना ७ ख ४३८७ नम्बरको यात्रुवाहक बस सडकबाट ६० मिटर तल त्रिशुली नदीमा खसेको थियो । दुर्घटनामा यसअघि ९ जनाको मृत्यु भएको थियो ।
प्रतिक्रिया दिनुहोस !
