काठमाडौं : नेपाली कांग्रेसले पाँथरमा एकै रात ९ जनाको हत्या हुनेगरी भएको नरसंहारको गम्भीर छानबिन गर्न माग गरेको छ। पाँचथरको मिक्लाजुङ गाउँपालिका ३ आरुबोटेमा ९ जनाको सामूहिक हत्या भएको घटनालाई गम्भीरतापूर्वक लिंदै नेपाली कांग्रेसले छानबिन गर्न माग गरेको हो।
कांग्रेस केन्द्रीय सदस्य भिष्मराज आङ्दम्वे, प्रवक्ता विश्वप्रकाश शर्मा र पाँचथर सभापति नरेन्द्र केरुङ लिम्बू बुधबार घटनास्थलमा पुगेका छन्। आरुबोटेको हत्याकाण्डले शोकमा रहेको सिंगो गाउँप्रति उनीहरुले पार्टीका तर्फबाट समवेदना प्रकट गरेका छन्।
‘रहस्यमय घटनाको गहिरो र गम्भीर छानविन गर्न सरकार समक्ष अपिल गर्दै मृतक सबैको आत्माको चिर शान्तिको कामना गर्दछ’, कांग्रेस मुख्य सचिव कृष्णप्रसाद पौडेलले जारी गरेको विज्ञप्तिमा उल्लेख छ।
प्रतिक्रिया दिनुहोस !
