धनकुटा : प्रदेश १ का मुख्यमन्त्री शेरधन राईले सबै सरोकारवालासँगको छलफलपछि मात्र प्रदेशको आमसञ्चार नीति ल्याइने बताएका छन् ।
सामुदायिक रेडियो प्रशारक संघ (अकोराव) ले शुक्रबार हिलेमा गरेको ‘अकोरावमा आवद्ध रेडियोमा सामुदायिक बहुलता र विविधता सम्बद्र्धनमा आदिवासी जनजाती राष्ट्रिय परामर्श’ विषयक कार्यक्रममा बोल्दै मुख्यमन्त्री राईले प्रदेशको आमसञ्चार नीति सञ्चारक्षेत्रको सहभागिताबाट मात्रै बनाउने बताएका हुन् ।
करिब डेढ सय सामुदायिक रेडियोका प्रतिनिधिको सहभागितामा आयोजित कार्यक्रमबाट देशभर छरिएर रहेका जनजातीलाई केन्द्रित गरेर सामुदायिक रेडियोले बनाउने कार्यक्रम र रेडियोमा जनजातीको सहभागिता विषयमा घोषणा पत्र तयार गरिने छ।
शनिबारसम्म चल्ने कार्यक्रममा सामुदायिक रेडियोले हालसम्म गरेका कार्यको समीक्षा, भावी रणनीति तथा योजना र प्रतिबद्धतासहित सबै प्रतिनिधिबाट हस्ताक्षर हुने अकोराबका अध्यक्ष सुवास खतिवडाले बताए ।
प्रतिक्रिया दिनुहोस !
