स्याङ्जा : स्पेनको बार्सिलोनास्थित सडक दुर्घटनामा नेपाली नागरिक पुजन कोइरालाको मृत्यु भएको छ । स्याङ्जा बिरुवा गाउँपालिका–६ सिचन्नेबास स्थायी घर भएका २२ वर्षीय पुजनको शनिबार राति मृत्यु भएको हो ।
साइकलमा सवार कोइरालालाई नगरपालिकाको फोहोर बोक्ने सवारीले ठक्कर दिँदा घटनास्थलमै मृत्यु भएको बताइएको छ । होम डिलीवरी सेवामा एक कम्पनी मार्फत् खाना पुर्याउन गएको बेला उनी दुर्घटनामा परेका हुन् ।
परिवार स्रोतका अनुसार ५ दिनदेखि उनले स्पेनमा नयाँ काम सुरु गरेका थिए । दुई वर्षअघि अध्ययनका लागि जर्मनी गएका उनी स्थायी बसोबासका लागि भन्दै बिगत ७ महिनादेखि स्पेनमा बस्दै आएका थिए ।
प्रतिक्रिया दिनुहोस !
