सिरहा : चोहर्वा–सिरहा सडकखण्डको नरहा गाउँपालिका–५मा बस दुर्घटना हुँदा ३७ वर्षे रहमान खानको मृत्यु भएको छ। दुर्घटनामा ३६ वर्षे अन्जार खान घाइते भएका छन्।
सिरहाबाट चोहर्वातर्फ आइरहेको बा १ ख ६८८५ नम्बरको स्कुल बसले स ७ प ९७३८ नम्बरको मोटरसाइकललाई ठक्कर दिएको ट्राफिक प्रहरी कार्यालय जनाएको छ।ठक्करबाट मोटरसाइकल चालक रहमान र पछाडी बस्ने अन्जार घाइते भएका थिए।
गम्भीर घाइते रहमानलाई उपचारका लागि ल्याउँदै गर्दा बाटोमै मृत्यु भएको छ भने अन्जारको गोलबजारस्थित भुमिजा अस्पतालमा उपचार भइरहेको प्रहरीले जनाएको छ। बस चालक फरार भएको ट्राफिक कार्यालयले जानकारी दिएको छ।
प्रतिक्रिया दिनुहोस !
