अफगानिस्तानमाथि अस्ट्रेलियाको सहज जित
इङ्ल्याण्ड : आईसीसी एक दिवसीय विश्वकप क्रिकेटमा शनिबार राति भएको खेलमा अस्ट्रेलियाले अफगानिस्तानमाथि सहज जित हात पारेको छ । साविक विजेतासमेत रहेको अस्ट्रेलियाले उदयीमान टोली अफगानिस्तानमाथि ७ विकेटको जित निकालेको हो ।
टस जितेर पहिले ब्याटिङ गरेको अफगानिस्तानले ३८.२ ओभरमा अलआउट हुनुअघि २०७ रन बनाएको थियो । २०८ रनको लक्ष्य पाएको अस्ट्रेलियाले ३४.५ ओभरमा ३ विकेट गुमाएर २०९ रन बनाई जित आत पार्यो । अस्ट्रेलियाको जितका लागि कप्तान अरोन फिन्च र डेभिड वार्नरले उत्कृष्ट इनिङ खेले । फिन्च ४९ बलमा ६६ रन बनाएर आउट भए । उनले ६ चौका र ४ छक्का प्रहार गरे । वार्नर ११४ बलमा ८९ रन बनाई नटआउट रहे । एक वर्षे प्रतिबन्धपछि टोलीमा फर्किएका आक्रामक ब्याट्सम्यान वार्नर विश्पकपमा सानदार सुरुवात गर्न सफल भएका छन् ।स्मीथले १८, खवाजाले १५ र म्याक्वेलले १ बलमा ४ रन बनाए । अफगानिस्तानका लागि नाइब, मुजिब रहमान र रसिद खानले १–१ विकेट लिए ।
पहिले ब्याटिङ गरेका अफगानिस्तानले सुरुमै दुई ओपनर गुमायो । महत्वपूर्ण दुई ब्याट्म्यान मोहमद साहजाद र हजरातुल्लाह जाजई दुवै जना शून्य रनमै आउट भए । नाजिबुल्लाह जाड्नले सर्वाधिक ५१ रन बनाए । रहमत साहले ४३ र कप्तानसमेत रहेका गुल्बादिन नाइबले ३१ रन बनाए । आठौं नम्बरमा ब्याटिङमा आएका बलर रसिद खानले ११ बलमा २७ रन बनाउँदै विस्फोटक ब्याटिङ गरी टोलीको स्कोर उकास्न महत्वपूर्ण योगदान गरे ।
अस्ट्रेलियाका लागि पट कुम्निस र अडाम जाम्पाले ३–३ विकेट लिँदा मर्कुस स्टोनिसले २ र मिचेल स्टार्कले १ विकेट लिए । यस प्रतियोगितामा अस्फगानिस्तान सबैभन्दा नयाँ टोली हो । यसअघि एक पटक मात्रै विश्वकपमा भाग लिएको थियो । अस्ट्रेलिया ५ पटकको विश्व विजेता टोली हो ।