काठमाडौं : सरकार संवृद्धिको नारा घन्काइ रहेछ । यो नारा जमलस्थित राष्ट्रिय नाचघरमा पनि घन्कियो । मञ्चन भएको गीति नाटक ‘नेपाल गाथा’ मा नेपालको इतिहासका महŒवपूर्ण क्षण समेटिएको थियो । करिब दुई घन्टा लामो नाटको बीचतिर जब बामनेता मदन भण्डारी आएर भने, ‘मेरो सपना संवृद्ध नेपाल हो ।’ तब दर्शकदीर्घामा गहिरो सन्नाटा छायो ।
कार्यक्रममा राष्ट्रपति विद्यादेवी भण्डारी उपस्थित थिइन् । पराराष्ट्रमन्त्री प्रदीप ज्ञवालीको परिकल्पना तथा लेखन रहेको उक्त गीति नाटकमा राष्ट्रवन्दना, बुद्ध सन्देश, नेपालको एकीकरण, नालापानीको युद्ध, योगमाया विद्रोह, गंगालालको सहादत, नयाँ अरुणोदय, रामप्रसाद राई र पूर्वविद्रोह, किसान आन्दोलन, भीमदत्तको विद्रोह, बीपी र जननिर्वाचित सरकारदेखि पञ्चायती कालरात्रि, सुखानी काण्ड, रत्न बान्तवाको सहादत र छिन्ताङ–पिस्कर हत्याकाण्ड समेटिएको थियो ।
नाटकले ०४६ को जनआन्दोलनपछि मदन भण्डारी व्यक्तिचित्र र दासढुंगा काण्डको कथा भनिरहँदा नाटक हेरिरहेका दर्शकको आँखामा आँसु छचल्कियो । विद्यादेवी दुई साना छोरी डो¥याउँदै मदन भण्डारीको लासमाथि भावविह्वल भएको दृश्य निकै कारुणिक बन्न पुग्यो ।
नाटकमा जनताको नौ महिने सरकार, सशस्त्र द्वन्द्व, जनक्रान्ति र गणतन्त्र स्थापनाका साथै वैशाख १२ को विनासकारी भूकम्प समेटिएको थियो । गीति नाटकको अन्त्यतिर वर्तमान सरकारले देखेको संवृद्ध नेपालको खाका प्रस्तुत गरिएको थियो । जसमा राष्ट्रिय गौरवका आयोजना, सडक निर्माण, भव्य सपिङ कम्प्लेक्स र काठमाडौं उपत्यकाका निर्माणाधीन सम्पदासमेत समेटिएको थियो ।
नाटकमा वर्तमान सरकारले देशको विकासमा ठूलाठूला फड्को मार्ने देखाइ रहँदा दर्शकको मन भने खिन्न भएको थियो । नाटकमा देखाए जस्तै सरकार विकासका लागि कटिबद्ध हुने हो भने नेपालले छोटो समयमा फोड्को मार्नेमा दुई मत छैन । तर बोली र व्यवहारका कारण आलोचित हुँदै आएको ओली सरकारप्रति जनताको वितृष्णा बढेर गएको छ । सबैभन्दा पहिले यसलाई चिर्ने सामथ्र्य सरकारले राख्नुपर्छ ।
गीती नाटकलाई २२ खण्डमा विभाजन गरिएको थियो । नाटकमा प्रसिद्ध संगीतकार एवम् प्राज्ञ अशोक लोहोरुङ राईले संगीत दिएका हुन् ।
डा. देवी नेपालको सहलेखन र वीरेन्द्र हमालको निर्देशन रहेको यो नाटकमा गोरन चौधरीको नृत्य निर्देशन रहेको छ । नाटक राष्ट्रिय नाचघरमा केही दिनका लागि मञ्चन हुने सांस्कृतिक संस्थानका महाप्रवन्धक राजेश थापाले बताए ।
प्रतिक्रिया दिनुहोस !
