पाकिस्तानमा मुस्लिम कट्टरपन्थी सइदलाई पूर्वनिर्धारित ठाउँमा ईद प्रार्थना गर्न दिइएन
लाहोर : मुस्लिम कट्टरपन्थी समूह लस्कर ए तैबाका नेता हफिज सइदलाई ईदको अवसरमा उनले चाहेकै स्थानमा प्रार्थना गर्न पाकिस्तान सरकारले नदिएको यहाँका अधिकारीरले बताएका छन् ।
तिरंगा न्युज अनलाईका अनुसार हरेक वर्ष निर्धक्क कद्धाफी स्टेडियममा प्रार्थना गर्दैआएका सइदलाई यस वर्ष भने सरकारले उक्त क्षेत्रमा प्रतिवन्द्ध लगाइदिएको हो । यसरी सइदलाई चाहेको स्थानमा सरकारले प्रार्थना गर्न नदिएको यो पहिलो पटक हो ।
जुन ५ मा ईदको अवसरमा उनी आफ्नो प्रार्थनाको तयारी गरिरहँदा सरकारले अचानक बन्देज लगाइदिएको हो । आतंकवादी समूहको रुपमा चिनिएको समूह लस्कर ए तैबा भारतको मुम्बइ हमलाको दोषीको रुपमा चिनिन्छ । सइदले भने सरकारले कार्यक्रम गर्न नदिए पनि त्यसको विकल्प रहेको प्रतिक्रिया दिएका छन् ।
साथै उनी सरकारको आदेशविपरित गएको खण्डमा सरकारले उनलाई पक्राउ गर्नसक्ने पनि अन्तर्राष्ट्रिय मिडियाले जनाएका छन् । तर हरेक शुक्रबारको प्रार्थना कार्यक्रममा सइदलाई यसअघि कसैले रोक्न सकेको थिएन । यसपटकको ईदमा सरकारले गरेको निर्णयले सइदका अन्य निर्णय पनि प्रभावित हुनसक्ने बताइन्छ ।