काठमाडौं : ठगी आरोपमा पारामाउन्ट इभेन्टका सञ्चालक दीपक घिमिरे पक्राउ परेका छन्। भारतीय गायिका नेहा कक्कर उपस्थित हुने विशेष कार्यक्रमका लागि टिकट बेचेर ठगी गरेको आरोपमा घिमिरे पक्राउ परेका हुन्।
ठमेलस्थित लर्ड अफ डिस्को नामक नाइट क्लबमा कक्करको विशेष प्रस्तुति देखाउने भन्दै टिकट बेचेर ठगी गरेको आरोपमा घिमिरे पक्राउ परेको महानगरीय प्रहरी परिषद प्रमुख एसएसपी उत्तमराज सुवेदीले जानकारी दिए।
घिमिरेले १८ सय क्षमताको हलका लागि २२ सयलाई टिकट बेचेको प्रहरी अनुसन्धानबाट खुलेको छ। घिमिरेले प्रहरीसँगको वयानमा गल्ती स्वीकार गर्दै इभेन्ट हेर्न नपाएका दर्शकको टिकट बापतको रकम फिर्ता गर्ने बताएका छन्।
प्रहरीले करिब चार सय दर्शकको रकम फिर्ताको प्रक्रिया अगाडि बढेको बताएको छ।
प्रतिक्रिया दिनुहोस !
