स्याङ्जा : चार दिनअघि मृत फेला परेका ५५ वर्षीय राजेश अधिकारीको हत्याका आरोपित ३९ वर्षीय लेखबहादुर सूर्यवंशीलाई प्रहरीले पक्राउ गरेको छ ।
भीरकोट नगरपालिका–१ मुल्कीचौपारीमा मृत भेटिएका अघिकारीलाई हथौडा एवं चिरपट दाउराले हानेर हत्या गरेको खुल्न आएको प्रहरीले जनाएको छ । पुतलीबजार नगरपालिका–१३ का अधिकारीलाई रुपन्देही देवदह–१० घर भइ भीरकोट–१ डायमण्डचोक लेखबहादुर सूर्यवंशीले हत्या गरेको प्रहरी नायब उपरीक्षक नवीनकृष्ण भण्डारीले जानकारी दिए ।
काम गरेको पैसा माग्दा सूर्यवंशीले १÷२ दिनमा दिउँला भनेपछि अधिकारले गाली गलौज गरेको भन्दै अधिकारीलाई हथौडा र चिरपटले हानेको बताइएको छ । जेठ २६ गते राति सूर्यवंशीको प्रहारबाट घाइते अधिकारीको मृत्यु भएको हो ।
अधिकारीको शव शंकास्पद भएको भन्दै जिल्ला प्रहरी कार्यालयले पोखराबाट तालिमप्राप्त कुकुर सहितको अनुसन्धान टोली खटाइ घटनास्थलको चेकजाँच तथा अनुसन्धान गरिएको प्रहरी उपरीक्षक राजकुमार लम्सालले बताए ।
ककुरले देखाएको मार्ग अनुशरण गरी अनुसन्धान गर्दै जाँदा मादक पदार्थ सेवन गरी सूर्यवंशीले अधिकारीलाई प्रहार गरेको भन्ने खुलेको हो । आरोपित सूर्यवंशीलाई जिल्ला अदालतमा पेश गरी थप अनुसन्धान प्रक्रिया अगाडि बढाएको प्रहरीले जनाएको छ । हत्यामा संलग्न सूर्यवंशी र मृतक दुवैले मादक पदार्थ सेवन गरेर झगडा हँुदा अप्रिय घटना घटेको प्रहरीको भनाइ छ ।
प्रतिक्रिया दिनुहोस !
