सुर्खेत : सुर्खेतमा भएका छुट्टाछुट्टै सडक दुर्घटनामा दुई जनाको मृत्यु भएको छ। वीरेन्द्रनगरको यरिचौकमा गएराति भएको सवारी दुर्घटनामा वीरेन्द्रनगर-४ का नारायणदेव गिरीको मृत्यु भएको छ। उनी वीरेन्द्रनगर-२ नम्बर वडा कार्यालयका सचिव हुन्।
मुलपानीबाट यरिचौकतर्फ गइरहेको भे १ ह ३८७४ नम्बरको अटोले गिरी सवार भे ७ प १८३४ नम्बरको मोटरसाइकललाई ठक्कर दिँदा गिरी घाइते भएका थिए। उपचारका क्रममा उनको मृत्यु भएको हो।
प्रहरीले अटो चालक दीपककुमार साउदलाई नियन्त्रणमा लिएको छ।
बिहिबार नै कर्णाली राजमार्गको बाँगेशीमल-बड्डीचौर सडकखण्डको गिरीघाटमा ट्याक्टर पल्टिदा सहचालक वीरेन्द्रनगर-१ बांगेशीमल निवासी रामबहादुर नेपालीको मृत्यु भएको छ।
भे १ त ५२८८ नम्बरको ट्याक्टर अनियन्त्रित भएर पल्टिएको थियो। उनको घटनास्थलमै मृत्यु भएको प्रहरीले जानकारी दिएको छ।
प्रतिक्रिया दिनुहोस !
