महिला सांसदलाई रगताम्मे हुने गरी थप्पड हान्ने पुरुष सांसद पक्राउ
जेठ ३१, २०७६ शुक्रबार १५:४४:०
केन्या : केन्यामा एक पुरुष सांसदले आफ्नो चुनावी क्षेत्रमा बजेट नछुट्याएको भन्दै सहकर्मी महिला सांसदलाई थप्पड हानेको आरोपमा पक्राउ परेका छन् ।
सांसद रशिद कास्सिम महिला सांसद फातुमा गेडीलाई थप्प हानेको भन्दै पक्राउ परेका हुन् । आक्रमणपछि फातुको मुखबाट रगत बग्दै गरेको तस्बिर सामाजिक संजालमा भाइरल नै बनाइएको छ ।
सांसद फातुमा बजेट समितिमा सदस्य भएकाले उनलाई रशिदले आफ्नो क्षेत्रमा बजेट छुट्याउन आग्रह गर्दैआएका थिए । तर बजेट नछुट्याएपछि उनले थप्पड हानेको समाचार बिबिसीले बनाएको छ ।
रशिदले फातुमालाई गाडी पार्किङ गर्ने स्थानमा आक्रमण गरेको कुरा अन्तर्राष्ट्रिय संचारमाध्यमले जनाएका छन् । घटनापछि महिला सांसदहरुले आन्दोलन नै गरेका छन् । साथै थप्पड हान्ने सांसद रशिदलाई पक्राउ गरिएको बताइएको छ । सांसद रशिदले भने थप्पड हानेको विषयमा कुनै प्रतिक्रिया दिएका छैनन् ।
प्रतिक्रिया दिनुहोस !
