काठमाडाैं : केन्यामा हालै एक महिला सांसद फातुमा गेडी अलीलाई अर्का पुरुष सांसदले थप्पड हानेपछि फातुमाको रगताम्मे मुख सहितको तस्बिर भाइरल नै बनेको छ ।
त्यसो त, फातुमा यसअघि पनि विवादमा आइरहने महिला नेता हुन् । केही महिनाअघि मात्रै उनको बारेमा एउटा यस्तो समाचार आयो कि, झण्डै उनको राजनीतिक करिअर नै धरापमा परेको थियो ।
फातुमाको सेक्स टेप सार्वजनिक भएको हल्ला समाचारकै रुपमा फैलियो । कानुन व्यवसायमा सक्रिय रहेकी उनी आफ्नै सहकर्मीसँग सम्बन्ध राखेको भन्दै केन्या र बाहिर पनि सामाजिक संजालमा खुबै फैलियो ।
यतिसम्म कि, उनको वास्तविक अनुहार र उक्त ‘बेड सिन’को तस्बिर जोडेर सामाजिक संजालमा व्यापक चर्चा गरियो । यथार्थमा फातुमासँग अनुहार मिल्ने सम्सो सिगो वालन नामकी यौनकर्मीको तस्बिर थियो त्यो ।
केही दिनमै उक्त समाचार झुटो भनेर समाचार आउन थाल्यो । कतिपय युट्युब च्यानलले त यसबारे अन्तरवार्ता नै लिन थालेपछि उनलाई तनाबमा पारेको थियो ।
क्रोएसियाली राष्ट्रपति किलिन्दा ग्रेब :
गत वर्ष रुसमा भएको विश्वकप फुटबल चलिरहँदा एक भिभिआईपी अचानक अनौपचारिक भ्रमणकै रुपमा खेलमैदानको प्यारापिटमा देखापरेको समाचारले विश्वभर महत्व पायो ।
खासमा उनी थिइन्, क्रोएसियाली राष्ट्रपति किलिन्दा ग्रेब । ४७ वर्षीया ग्रेबले आफ्नो टीमका खेलाडीलाई अंकमाल गर्दै ढाडस पनि दिइन् । त्यसबेला उनको अनौपचारिक शैलीको जति चर्चा भयो, त्यसभन्दा बढी उनलाई अमेरिकी मोडेलसँग जोडेर गस्सिप बनाइयो ।
खासगरी अमेरिकी मोडेल कोको अस्टिनको बिकिनी फोटो नै ग्रेबको हो भन्दै थुप्रै संचारमाध्यममा समाचार बनाइए । यसको खण्डन त उनले गरिनन् । तर त्यो तस्बिरले धेरैलाई भ्रममा भने पार्यो । यतिसम्म कि, उनलाई सामाजिक संजालमा पोर्नस्टारको रुपमा पनि चितृत गरियो । खासमा उनको अनुहार अमेरिकी मोडेल कोकोसँग मिल्ने चाहीँ छ । युट्युब तथा फेसबुक, ट्वीटरमा कोको र ग्रेबका तस्बिर जोडेर व्यापक प्रचार हुँदा उनलाई निकै अप्ठ्यारो परेको थियो ।
बेलायती प्रधानमन्त्रीको पदबाट राजिनामा दिएकी टेरेसा मे पनि लामो समय विवादमै रहेकी नेतृ हुन् । उनी ब्रेक्जिट नीतिका कारण मात्रै विवादमा रहिनन् । एक पोर्नस्टारसँग नाम जोड्नाले झनै तनाब भयो उनलाई ।
खासमा टेरेसा नामकी एक पोर्नस्टार छिन् । उनै टेरेसालाई ट्वीटरमा धेरैले बेलायती प्रधानमन्त्रीकै रुपमा बधाइ तथा शुभकामना दिएका थिए । सामाजिक संजालमा भाइरलकै रुपमा शुभकामना र बधाइ सन्देशले पोर्नस्टार टेरेसा मेलाई त अचम्भित तुल्यायो नै, वास्तविक प्रधानमन्त्री टेरेसालाई भने तनाब मात्रै दियो । त्यसो त दुबै टेरेसा मेको नामसँगै अनुहार पनि केही मिल्दोजुल्दो नै देखिन्छ । जुन समानता नै अन्ततः अप्ठ्यारो सावित भयो ।
-एजेन्सीबाट
प्रतिक्रिया दिनुहोस !
