लागुऔषध बेचबिखनका फरार आरोपित पक्राउ
गुलरिया : प्रहरीले लागुऔषध बेचबिखनको आरोपमा फरार रहेका दुईजनालाई पक्राउ गरेको छ । बर्दियाको ठाकुरबाबा नगरपालिका ३ बस्ने ३३ वर्षीय शौरभ शाह र १ बस्ने २९ वर्षीय जगत भन्ने लक्ष्मण जोशीलाई इलाका प्रहरी कार्यालय बग्नाहाको टोलीले पक्राउ गरेको हो।
केही महिनाअघि प्रहरीले ९ ग्राम २०० मिलिग्राम ब्राउनसुगरसहित ठाकुरबाबा नपा १ बस्ने २९वर्षीय शिवराज पन्थलाई पक्राउ गरिसकेको छ। सोही घटनामा ती दुईजना फरार रहेको जिल्ला प्रहरी कार्यालय बर्दियाका प्रहरी नायव उपरीक्षक मदनजीत महराले बताए।
पक्राउ गरिएका दुवैजनालाई बर्दिया जिल्ला अदालत बुझाइएको र र्पुपक्षका लागि कारागार चलान भएको डीएसपी महराले जानकारी दिए।