विश्वकपमा १२ वर्षसम्म अपराजित अस्ट्रेलिया
विश्वकप क्रिकेटमा सबैभन्दा लामो समयसम्म अपराजित रहने टोली अस्ट्रेलिया हो । अस्ट्रेलियाले विश्वकपमा १२ वर्षसम्म अपराजित रहेर कीर्तिमान बनाएको थियो । यो प्रसंगसँग अर्को रमाइलो घटना पनि जोडिएको छ । १२ वर्षअघि विश्वकपमा अस्ट्रेलिया जुन टोलीसँग पराजित भएको थियो १२ वर्षपछि आएर त्यही टोलीले नै पुनः अस्ट्रेलियाको अपराजित यात्रा तोडेको थियो ।
सन् १९९९ को विश्वकपको समूहगत चरणमा पाकिस्तानले अस्ट्रेलियालाई १० विकेटले पराजित गरेको थियो । त्यसपछि विश्वकपको कुनै पनि खेलमा अस्ट्रेलिया पराजित भएन । सन् १९९९ कै विश्वकपको फाइनलमा पनि अस्ट्रेलियाले पाकिस्तानलाई नै हराएर उपाधि चुम्यो ।
त्यसपछि अस्ट्रेलियाले एक खेल पनि नहारी सन् २००३ र सन् २००७ को विश्वकपको उपाधि पनि जित्यो । एकैपटक सन् २०११ को विश्वकपको समूहगत चरणमा आएर अस्ट्रेलियन टोली पुनः पाकिस्तानसँगै चार विकेटले पराजित भयो ।