नयाँदिल्ली : फिल्मी क्षेत्रमा ‘मिटू’ अभियान लगभग हराउनै लाग्दा बलिउड अभिनेत्री तनुश्री दत्तको ‘केस’ले भने झन् ठूलो रुप लिएला झैँ भएको छ । बलिउडकर्मी नाना पाटेकरमाथि यौन दुव्र्यवहारको मुद्दा लगाएकी तनुश्री अदालतले आरोप पुष्टि नभएको भन्दै फैसला गर्दा पनि आफ्नो गुनासो छोड्न तयार देखिएकी छैनन् ।
तनुश्रीको आरोपमा प्रमाण नभेटिएको भन्दै अदालतले नाना पाटेकरलाई ‘क्लिन चिट’ दिइसकेपछि पनि तनुश्रीले यो मुद्दालाई उठाइरहेकी छन् । हालै मात्र उनले आफ्नो गुनासो प्रधानमन्त्री नरेन्द्र मोदीसमक्ष नै राखेकी छन् ।
उनले विज्ञप्ति नै लेख्दै प्रधानमन्त्री मोदीलाई प्रश्न गरेकी छन् । उनले सार्वजनिक रुपमै भारतमा चेलीहरु किन सुरक्षित छैनन् भन्दै प्रधानमन्त्रीलाई प्रश्न गरेकी छन् ।
लगत्तै पाटेकरलाई छुट दिइएकोमा प्रधानमन्त्री मोदीसँग गुनासो गरेकी हुन् । उनले मोदीले नेतृत्व गरेको मुलुकमा किन यस्तो असुरक्षा भन्दै चिन्ता व्यक्त गरेकी थिइन् । तनुश्रीको यस्तो अभिव्यक्तिबारे प्रधानमन्त्री वा पाटेकर कसैले पनि जवाफ फर्काएका छैनन् ।
प्रतिक्रिया दिनुहोस !
