नेपाल लोक स्टार र आईएमईबीच सम्झाैता
काठमाडौं : लोकसंगीत नेपालको सर्वाधिक चर्चित संगीत विधा हो । यस विधामा प्रत्येक वर्ष हजाराैं गीत रिलिज हुन्छन् । युट्युब र र दृश्य सञ्चारमाध्यममा करोडौं पटक हेरिन्छन् । संगीत विधामध्ये सबैभन्दा धेरै उत्पादनमूलक विधा पनि लोकसंगीत नै हो ।
विश्वव्यापीकरणको यस युगमा लोकसंगीत युवा पुस्ताको समेत रुचि भइरहेको आभास लोक संगीतका स्रष्टा आफंैले गर्ने गरेका छन् । लोकसंगीतलाई व्यावसायिक बनाउने प्रयासस्वरूप नेपाली टीभी च्यानलमा सर्वाधिक रुचाइएको रियालिटी सो विधासँग लोकसंगीतलाई समायोजन गरी नेपाल लोक स्टार कार्यक्रम जन्मेको हो । यस कार्यक्रमको लागत करिब १० करोड रुपैयाँ रहेको छ । यसको निर्माण चाहना मिडियाले गर्दैछ ।
आगामी असार १२ गतेबाट प्रत्येक बिहीबार र शुक्रबार बेलुकी साढे ८ बजे यसको प्रसारण एपी वान एचडीबाट यस कार्यक्रमको ३६ शृंखला निर्माण गरिनेछ । यो कार्यक्रमको प्रमुख प्रायोजकको रूपमा आईएमई आबद्ध भएको छ । आईएमई र नेपाल लोक स्टारको सम्झौता दुई सिजनका लागि गरिएको हो । यस सम्झौतापश्चात् कार्यक्रमको नाम आईएमई नेपाल लोक स्टार रहनेछ ।