काठमाडौं : काठमाडौंको गोकर्णेश्वरमा गाडी दुर्घटना हुँदा एकजनाको मृत्यु भएको छ। ३० यात्रु घाइते भएका छन्।
बा १ ख ८७४४ नम्बरको बस दुर्घटनामा सहचालकको मृत्यु भएको महानगरीय प्रहरी परिषद् टेकुका प्रवक्ता होविन्द्र बोगटीले जानकारी दिए। प्रहरीले सहचालकको मृत्यु भएको जानकारी दिए पनि उनको सनाखत भने हुन सकेको छैन।
सुन्दरीजलबाट गोकर्णेश्वर हुँदै रत्नपार्क आउँदै गरेको बस दुर्घटना भएको हो। दुर्घटनाका घाइते ३० जनाको अत्तरखेलस्थित नेसनल मेडिकल कलेजमा उपचार भइरहेको छ।
प्रतिक्रिया दिनुहोस !
