भक्तपुर : मानगरीय प्रहरी परिसर भक्तपुरले प्रतिबन्धित खैरो हेरोइनसहित दुईजनालाई पक्राउ गरेको छ।
परिसरबाट खटिएको प्रहरी टोलीले बिहीबार दिउँसो जिल्लाको चाँगुनारायण नगरपालिका २ दुवाकोटमा चेकजाँच गर्ने क्रममा ५.५ ग्राम लागूऔषध खैरो हेरोइनसहित उनीहरुलाई नियन्त्रणमा लिएको हो।
परिसरका प्रवक्ता प्रहरी नायब उपरीक्षक रेवतीरमण पोखरेलका अनुसार सिन्धुपाल्चोक लिसंखु पाखर गाउँपालिका घर भई हाल चाँगुनारायण नपा २ दुवाकोट बस्ने २६ वर्षीय पुरन परियार र रुपन्देही घर भई हाल दुवाकोट नै बस्ने २३ वर्षीय राधेश्याम बेलदारलाई नियन्त्रणमा लिएको छ।
उनीहरुलाई बिहीबार नै भक्तपुर जिल्ला अदालतबाट लागूऔषध मुद्दामा म्याद थप गरी थप अनुसन्धान कार्य अगाडि बढाइएको प्रहरी नायब उपरीक्षक पोखरेलले जानकारी दिए।
प्रतिक्रिया दिनुहोस !
