काठमाडौं : सत्तारुढ नेपाल कम्युनिस्ट पार्टी (नेकपा) प्रदेश–२का अध्यक्ष तथा प्रतिनिधिसभा सांसद प्रभु साहले अपराधीलाई सम्बन्धीत निकायले पक्राउ नगरेको गुनासो गरेका छन्। शुक्रबार प्रतिनिधिसभा बैठकमा बोल्दै साहले बलात्कारका आरोपी र ठेकेदारका निर्माण सामग्री जलाउनेहरु किन पक्राउ नपरेको भन्ने प्रश्न समेत गरे।
‘केही दिन अगाडी रौतहट जिल्लामा मात्र ६ वटा स्काभेटर जलाइएको छ तर एकजना पनि अपराधी समातिएको छैन, यसरी श्रृखलावद्ध तरिकाले ठेकेदारको कामलाई अवरोध गर्ने अपराधीक काम भएको छ,’उनले भने,‘त्यसैले म माननिय गृहमन्त्रीमार्फत जान्न चाहान्छु ती स्काभेटर कसले जलायो? ती अपराधीहरु कहाँ छन्? उनीहरु किन कानूनको दायरामा आएका छैनन?’
स्थानीय प्रशासनले गर्नूपर्ने सरकारी कामहरु नगरेको र नगर्नुपर्ने कामहरु गरेको समेत उनले आराेप लगाए। त्यसको गम्भीरतापूर्वक सरकारले छानविन गर्नुपर्ने धारणा उनको छ।
प्रतिक्रिया दिनुहोस !
