वडाध्यक्षका बुवा बेपत्ता

सिमकोट : खार्पुनाथ ४ का जयबहादुर हमाल वेपत्ता भएका छन्। ५५ वर्ष हमाल बिहीबार बेलुकादेखि बेपत्ता भएका छन्। मदिरा सेवन गरेर घरमा आएका हमाल श्रीमतीसँग सामान्य विवाद गरेर गएका हमाल  वेपत्ता भएको खार्पुनाथ गाउँपालिकाका अध्यक्ष कर्ण रावलले जानकारी दिए। 

राति ८ बजेदेखि हमालको खोजी कार्य सुरु गरिएको भएपनि अहिलेसम्म कुनै जानकारी नआएको अध्यक्ष रावलले जानकारी दिए। उनले भने, 'आज बिहान कर्णाली नदीको किनारमा हमालले लगाएको चप्पल र बिरामी पूर्जा ढुंगाले च्यापेर राखिएको अवस्थामा भेटिएको छ तर उनको कुनै पत्तो छैन्।'
 

हमाल वेपत्ता भएको खबर पाउने वित्तिकै यांचु प्रहरी चौकीबाट खोजिकार्य जारी राखिएको भएपनि पत्ता लगाउन नसकेको निमित्त प्रहरी प्रमुख राजेन्द्रबहादुर सिंहले बताए। बेपत्ता हमाल खार्पुनाथ ४ का वडाध्यक्ष लोकजंग हमालका बुवा हुन्।