विश्वकपमा ७१ विकेटको कीर्तिमान
विश्वकप क्रिकेटको इतिहासमा सर्वाधिक विकेट लिने कीर्तिमान अस्ट्रेलियन खेलाडी ग्लेन म्याग्राको नाममा छ । ४९ वर्षीय म्याग्राले अस्ट्रेलियाका लागि सन् १९९६ देखि सन् २००७ सम्म विश्वकप खेलेका थिए । यस अवधिमा उनले ३९ खेल खेल्दै कुल ७१ विकेट लिएका थिए ।
उनको त्यो कीर्तिमान हालसम्म कसैले तोड्न सकेको छैन । सन् २००७ को विश्वकपमा उनी एक्लैले २६ विकेट लिएका थिए । उनले सो विश्वकपको हरेक खेलमा विकेट लिएका थिए । म्याग्राले सो विश्वकपको ६ वटा खेलमा तीन÷तीन विकेट लिएका थिए । यसैगरी तीनवटा खेलमा दुई÷दुई विकेट लिए । दुई खेलमा भने एक÷एक विकेट हात पारेका थिए ।
सो विश्वकपको उपाधि पनि अस्ट्रेलियाले नै जितेको थियो । विश्वकपमा सर्वाधिक विकेट लिने बलरको सूचीमा श्रीलंकाका मुथैया मुरलिथरन दोस्रो स्थानमा छन् । उनले ६८ विकेट लिएका छन् । यसैगरी ५५ विकेटसहित पाकिस्तानका वसिम अकरम तेस्रो र ४९ विकेटसहित श्रीलंकाका चामिन्डा भास चौथो स्थानमा छन् ।