झापा : झापामा यात्रुबाहक बसको ठक्करबाट १ पैदलयात्रीको मृत्यु भएको छ। दुर्घटनामा मेचीनगर नगरपालिका ९ बस्ने अन्दाजी ६५ वर्षीय घनश्याम गडतौलाको मृत्यु भएको प्रहरी कार्यालय झापाका प्रहरी नायव उपरीक्षक महेन्द्रकुमार श्रेष्ठले जानकारी दिए।
प्रहरीका अनुसार पूर्वपश्चिम राजमार्ग अन्तर्गत काँकडभिट्टाबाट धरानतर्पm गइरहेको को १ ख ७६६५ नम्बरको नारायणी यातायातको गडीले ठक्कर दिएको हो। मेचीनगर १० स्थित नगडुब्बा पुल नजिकै पैदलयात्री गड्तौलालाई शनिबार दिउँसो २ गाडीले ठक्कर दिएको थियो।
श्रीमती इन्द्रमायासँगै सडकमा हिँडिरहेका घनश्यामलाई बसले ठक्कर दिँदा उनको घटनास्थलमानै मृत्यु भएको डीएसपी श्रेष्ठले जानकारी दिए। चारआली प्रहरी चौकीले ठक्कर दिने बस र चालकलाई नियन्त्रणमा लिएको छ।
पैदलयात्रीको मृत्युपछि घटनालाई साम्य बनाउन घटनास्थलमा ठूलो संख्यामा प्रहरी परिचालन गरिएको छ। प्रहरीकै सुुरक्षा घेरामा यातायातका सवारी साधन सुचारु गरिएको डीएसपी श्रेष्ठको भनाइ छ।
प्रतिक्रिया दिनुहोस !
