काठमाडौं : मंगलबार विप्लव नेतृत्वको नेकपाले नेपाल बन्दकोआह्वान गरेको छ। यस क्रममा ७ जना विप्लवका कार्यकर्ता पक्राउ परेका छन् । काठमाडौंको सुकेधाराबाट ट्याक्सी चालक भोगीराज राई पक्राउ परेको प्रहरीले जनाएको छ ।
त्यसैगरी कास्कीबाट एक, मकवानपुरबाट एक र रुकुम पश्चिमबाट ४ जना विप्लव कार्यकर्ता पक्राउ परेको प्रहरी मुख्यालयका प्रवक्ता डीएसपी विश्वराज पोखरेलले जानकारी दिएका छन् ।
प्रवक्ता पोखरेलकाअनुसार मंगलबार दिउँसो १२ बजेसम्म देशैभर २२ ठाउँमा स्थानमा शंकास्पदवस्तु फेला परेका छन् । ९ स्थानमा होक्स बम(नक्कली बम) राखिएको भेटिएको छ।
तीन ठाउँमा ग्यास सिडिन्डर बम, २ स्थानमा सकेट बम, एउटा सुतली बम फेला परेका छन्। त्यसैगरी एक स्थानमा टाइम र एक स्थानमा आइसी आरडी फेला परेको प्रवक्ता पोखरेलले बताए।
बन्दका क्रममा ४ ठाउँमा तोडफोड भएको प्रहरीले जानकारी दिएको छ ।
प्रतिक्रिया दिनुहोस !
