दक्षिण अफ्रिका वर्तमान क्रिकेटको शक्तिशाली राष्ट्र हो । तर, विश्वकपको सुरुका चार संस्करणमा दक्षिण अफ्रिकाले सहभागिता जनाएको थियो । तत्कालीन समयमा दक्षिण अफ्रिकामा व्यक्त रंगभेद नीतिका कारण दक्षिण अफ्रिकालाई विश्वकपमा सहभागी गराइएको थिएन । दक्षिण अफ्रिकाले सन् १९९२ मा अस्ट्रेलिया र न्युजिल्यान्डमा संयुक्त रूपमा आयोजित पाँचौं विश्वकपमा पहिलो पटक सहभागिता जनाउने अवसर पाएको हो ।
आफ्नो पहिलो सहभागितामै दक्षिण अफ्रिका विश्वकपको सेमिफाइनलसम्म पुगेको थियो । सेमिफाइनलमा दक्षिण अफ्रिकालाई इङ्ल्यान्डले २० रनले हराएको थियो । केप्लर विसल्सको कप्तानीमा रहेको पहिलो विश्वकप खेल्ने दक्षिण अफ्रिकी टोलीमा जोन्टी रोड्स, हेन्सी क्रोनिए, पिटर क्रिस्टन, एलन डोनाल्ड, ब्रायन म्याकमिलन, एन्ड्र्यु हड्सन, डेभिड रिचर्डसन लगायतका खेलाडी थिए । त्यसयता दक्षिण अफ्रिकाले लगातार विश्वकप खेल्दै आएको छ । यद्यपि दक्षिण अफ्रिकाले हालसम्म विश्वकपको उपाधि भने जित्न सकेको छैन ।
प्रतिक्रिया दिनुहोस !
