चेस्टर ली स्ट्रिट : विश्वकप क्रिकेटको शुक्रबार हुने खेलमा श्रीलंकाले दक्षिण अफ्रिकाको सामना गर्दैछ । श्रीलंका सन् १९७५ को पहिलो संस्करण र दक्षिण अफ्रिका सन् १९९२ को पाँचौं संस्करणदेखि विश्वकपमा सहभागी हुँदै आएका टोली हुन् । श्रीलंका सन् १९९६ को विश्वकप विजेता टोली हो भने दक्षिण अफ्रिका विश्वकपमा सेमिफाइनलभन्दा अगाडि बढ्न सकेको छैन ।
जारी विश्वकपमा श्रीलंका सेमिफाइनमा स्थान बनाउन संघर्षरत छ भने दक्षिण अफ्रिका यसअघि नै उपाधि होडबाट बाहिरिने निश्चित भइसकेको छ । हालसम्म ६ खेल खेलेको श्रीलंकाले दुई जित र दुई हारको नतिजा निकालेको छ । श्रीलंकाको दुई खेल वर्षाका कारण रद्द भएको थियो । सात खेल खेलिसकेको दक्षिण अफ्रिकाले भने एक जित र पाँच हारको नतिजा निकालेको छ । दक्षिण अफ्रिकाको पनि एक खेल वर्षाका कारण रद्द भएको थियो ।
यस आधारमा शुक्रबारको खेलमा श्रीलंकासँग हासिल गर्न धेरै कुरा बाँकी छ भने यसअघि नै प्रतियोगिताबाट बाहिरिइसकेको दक्षिण अफ्रिकासँग गुमाउन केही बाँकी छैन । दक्षिण अफ्रिकासँग पराजित भए श्रीलंकाको सेमिफाइनलमा पुग्ने सम्भावना अत्यन्तै कम हुनेछ । त्यसैले शुक्रबारको खेलमा श्रीलंकासँग जितको विकल्प छैन । यो विश्वकपमा पाकिस्तान र बंगलादेशविविरुद्धको खेल वर्षाका कारण रद्द हुनु श्रीलंकाका लागि सबैभन्दा दुर्भाग्य बनेको थियो ।
पछिल्लो समय एकदिवसीय क्रिकेटमा श्रीलंकाको ब्याटिङ खासै चल्न सकेको छैन । त्यसको छनक जारी विश्वकपमा पनि देखिन्छ । श्रीलंकाले कुनै पनि खेलमा तीन सय रन पु¥याउन सकेको छैन । श्रीलंकाली टोली न्युजिल्यान्डविविरुद्ध एक सय ३६ रनमै अलआउट भएको थियो । श्रीलंकाले अफगानिस्तानविविरुद्ध पनि दुई सय एक रन मात्र बनाउन सकेको थियो । यद्यपि, उक्त खेलमा बलिङ प्रभावकारी देखिएको श्रीलंका विजयी बनेको थियो ।
श्रीलंकाले आयोजक इङ्ल्यान्डलाई पनि आफ्नो धारिलो बलिङकै कारण हराएको थियो । उक्त खेलमा पनि श्रीलंकाले पहिले ब्याटिङ गर्दै दुई सय ३२ रन मात्र बनाउन सकेको थियो । त्यसैले पनि शुक्रबारको खेलमा जितका लागि श्रीलंकाली टोलीले आफ्नो ब्याटिङमा सुधार ल्याउनु आवश्यक देखिन्छ ।
यी दुई टोलीबीच हालसम्म खेलिएको एकदिवसीय अन्तर्राष्ट्रिय प्रतियोगिताको नतिजाले भने दक्षिण अफ्रिकालाई बलियो देखाउँछ । यी दुई टोलीबीच हालसम्म ७६ एकदिवसीय खेल खेलिएको छ । ४३ खेलमा दक्षिण अफ्रिका विजयी भएको छ भने श्रीलंकाले ३१ खेलको नतिजालाई आफ्नो पक्षमा पारेको छ । एक खेल बराबरी र एक खेल अनिर्णित रूपमा सकिएको छ ।
यसैगरी यसअघिका विश्वकपमा खेलिएको खेलको नतिजाले पनि श्रीलंकाको तुलनामा दक्षिण अफ्रिकालाई नै केही बलियो देखाउँछ । यी दुई टोलीबीच हालसम्म विश्वकपमा पाँच खेल खेलिएको छ । तीन खेलमा दक्षिण अफ्रिका विजयी भएको छ भने श्रीलंकाले एक खेलमात्र जित्न सकेको छ । एक खेल भने बराबरीमा सकिएको छ ।
आजको खेल
श्रीलंकाविविरुद्ध दक्षिण अफ्रिका
रिभरसाइड ग्राउन्ड (दिउँसो ३ :१५ बजे)
एकदिवसीयमा दुई टोली
कुल : ७६ खेल
दक्षिण अफ्रिका विजयी : ४३ खेल
श्रीलंका विजयी : ३१ खेल
बराबरी : १ खेल
अनिर्णित : १ खेल
विश्वकपमा दुई टोली
कुल : ५ खेल
दक्षिण अफ्रिका विजयी : ३ खेल
श्रीलंका विजयी : १ खेल
बराबरी : १ खेल
प्रतिक्रिया दिनुहोस !
