प्रधानमन्त्रीले अवैतनिक दूतलाई भने : दुई मुलुकको वास्तविक पुल बन्नुहोस

काठमाडौ : प्रधानमन्त्री केपी ओलीले दुई दिने भेलामा काठमाडौं निम्त्याइएका विभिन्न मुलुकमा रहेका नेपालका लागि अवैतनिक महावाणिज्य/बाणिज्य दुतहरुलाई पर्यटन प्रर्वद्धनमा ध्यान दिन आग्रह गरेका छन । 

उनले दुई मुलुकको वास्तविक पुल बन्दै सहकार्य अघि बढाउन आग्ह गरेका हुन । परराष्ट्रमन्त्रालयले दुई दिने भेला र माउन्टेन फ्लाइटको लागि काठमाडौं निम्त्याइएका उनीहरुलाई प्रधानमन्त्रीले बालुवाटारमा भेट दिंदै यस्तो बताएका हुन । 

उनीहरु दुई दिने जमघट सकेपछि प्रधानमन्त्री भेट्न विहिबार बालुवाटार पुगेका थिए । नेपालका राष्ट्रिय प्राथमिकताहरुलाई सम्बन्धित देशहरुमा कसरी प्रवद्र्धन गर्र्ने भन्ने बिषयमा पनि प्रधानमनत्रीले छलफल गरेको बताइएको छ ।

नेपाल भ्रमण बर्ष सन् २०२० को अवसरमा धेरै मुलुकका नागरिकलाई नेपालमा भित्र्याउने सन्दर्भ भन्दै परराष्ट्र मन्त्रालयले अवैतनिक दूत भेला अचानक गरेको थियो । हतारमा काम गरेझै देखाउन गरिएको उक्त भेलामा भएका अवैतनिक दूत मध्ये आधा पनि उपस्थित नभएको यसमा संलग्नहरु नै बताए । 

नेपालको विभिन्न ३९ मुलुकमा ६४ अवैतनिक दूत छन । त्यसमा ११ जना गैर आवासिय नेपाली नै छन । दुई दिनसम्म चलेको सम्मेलन र माउन्टेण्ड फ्लाइटमा उड्ने अधिकांश गैर आवासिय नेपाली नै थिए । 

त्यो कार्यक्रमको मुख्य उद्देश्य थियो अवैतनिक दूतलाई नेपालबारे नै जानकारी गराउनु । त्यसमा अधिकतम गैर आवासिय नेपालीको नै उपस्थिती रहनुले पनि यो कार्यक्रम हतारमा गरिएको अर्थात असारे विकासको शैलीमा सम्पन्न भएको हो ।

प्रधानमन्त्री ओलीले नेपालमा बैदेशिक लगानी भित्र्याउनका लागि पहल गर्न पनि दूतहरुलाई आग्रह गरेको बताइएको छ । गैर आवासिय नेपालीले कुन तवरले त्यस्तो लगानी भित्र्याउने हुन त्यो सोचनिय रहेको परराष्ट्र अधिकारी नै बताउँछन । 

‘यो सम्मेलन हामीले ग¥यो भन्ने बाहेक ठूलो कुनै उपलब्धी होइन,’ एक अधिकारीले भने, ‘साच्चै उपलब्धी हासिल गर्नु नै थियो भने केही समय राखेर बार्षिक क्यालेन्ण्डरमा कार्यक्रम पारेर तयारी गरिन्छ । हल्ला गर्ने मेसो मात्र रहेको देखियो ।’ 

प्रधानमन्त्रीले भेला कत्तिको उपयोगी भएकोमा पनि जिज्ञासा राखेका थिए । अनि प्रधानमन्त्रीले यत्ति नै हो कि हाम्रा अवैतनिक दूत भन्दा समेत परराष्ट्र अधिकारी अलमलिएको ति अधिकारीले बताए ।

प्रधानमन्त्रीले अवैतनिक दूतहरुको यस्तो भेलामा अधिकतम उपस्थित हुनुपर्ने र सम्भव भए विदेश भ्रमणमा रहेका अवस्थामा त्यही त्यो क्षेत्रकालाई त्यही उपस्थित गराउन पनि सुझाव दिएको प्रधानमन्त्री कार्यालयका एक अधिकारीले बताए ।

विदेशमा रहेका नेपालीको विषयमा पनि ध्यान पु¥याउन उनीहरुलाई आग्रह गर्दै प्रधानमन्त्री ओलीले नेपालको राष्ट्रिय आकांक्षा समृद्ध नेपाल सुखी नेपालीको लक्ष्य हासिल गर्न सहयोग गर्न पनि आग्रह गरेका थिए ।